Magnezi është një nga mineralet thelbësore për shëndetin. Ai ndihmon në rregullimin e temperaturës së trupit, prodhon energji, largon nga trupi ynë toksinat e dëmshme si dhe ndikon për të patur kocka dhe dhëmbë të shëndetshëm.
Magnezi është i dobishëm veçanërisht për shëndetin e gruas, në lehtësimin e simptomave të menopauzës dhe periudhën pas saj.
Hulumtimet kanë treguar gjithashtu se magnezi ka një ndikim pozitiv dhe lehtësimin e problemeve shëndetësore si depresioni, pagjumësia, migrena dhe osteoporoza. Magnezi gjendet në ushqime si arra, drithërat, peshku dhe perimet me gjethe jeshile. Gjithashtu rekomandohet dhe marrja e një suplementi për të siguruar plotësimin e nevojave tona të perditshme për të.
Ju rekomandojmë konsumimin e përditshëm të këtij minerali jetësor për të arritur maksimalisht përfitimet shëndetësore prej tij.